Láhppon/Lost

Dološ- ja dálášáigi ovttastuvvet go guokte Davviriika ođđa koreográfalaš jienat bargagoahtiba vuohččan Našuvnnalašbaleahtain.

Láhppon/Lost lea ekstrema fysalaš muitalus, jur dego báktegájanas Guovdageainnu stuimmi birra, ja mii čájehuvvo baleahtta hámis. Guovdageainnu-stuibmi lei vuoiŋŋalaš- politihkalaš stuibmi mii dáhpáhuvai 1852:s. Go dilli nuppástuvai máŋggaid jagi soahpatmeahttunvuođas sámiid ja dánska-norgga eisseválddiid gaskkas – ja lea historjá mii čatnasa otnáš stuimmiiguin miehtá máilmmi. Našuvnnalašbaleahtas muitaluvvo stuibmi dánsema vugiin man váttes dilli dat leai dalle: movt osku čuzii dasa mii lea riekta ja mii ii leat, ja movt ceavzit ja birget ja dat agalaš badjelgeahččanvuohta – muhto maiddái jaskatvuođa, váibmoravkima, balu ja vuolláneami dili.

Čájálmasa barggadettiin áiccai koreográfa Elle Sofe Sara ahte guđas su fulkkiin ledje mielde dáin stuimmiin, fuomášupmi mii dagahii sutnje áibbas eará gova dain stuimmiin mat leat navdon sámi historjjás buot eanemus veahkaválddálažžan. Soai veardádallošgođiiga bargoguimmiin Hlín Hjálmarsdóttirin dáid stuimmiid otnáš máilmmigovaiguin – dáppe gos mii vásihit garrá stuimmiid lassáneami, go olbmo heakkas ii leat árvu ja jođiheaddjit geat boastut geavahit iežaset fápmosajádaga.

Elle Sofe Sara namahuvvo Norgga deháleamos ja eanemus beroštuvvámis dáláš sohkabuolvva koreográfaid searvvis. Go son lea ovttasbargagoahtán Islándda Hlín Hjálmarsdóttir koreográfain, de leabba vuohččan bargame ovttas Našuvnnalašbaleahtas. Lávddis beassat oaidnit dánsejeddjiid ja juoigi Lávre Johan Eira.

• Koreográfat: Elle Sofe Sara, Hlín Hjálmarsdóttirin
• Idea ja konseapta: Elle Sofe Sara
• Dramaturga: Alexandra Wingate
• Šuoŋat: Valgeir Sigurðsson
• Juoigit: Sara Marielle Gaup Beaska, Lávre Johan Eira
• Koarra: Vokal Nord

Láhppon lea ovttasbargobuvttas gaskkal Sámi našunálateáhter Beaivváš ja Nasjonalballetten.