Sunday 29. November
18:30
/
Second Stage
Sámi juovllat
- Kajsa Balto
ja Frode Fjellheim
Photo: Julia Nagles
Sámi juovlaárbevierut oaivegávpogis
Jo goalmmát jagi maŋŋálagaid Kajsa Balto bovde návddašit sámi juovlamusihka Operas vuosttaš adveantasotnabeaivve. Buohkat leat bures boahtin liekkus olles eahkeda konsertii. Ovdal konseartta Opera feaskáris leat árbevirolaš duodjemárkanat.
Guovtti ovddit konsertii vuvde visot bileahtaid, nuba Kajsa Balto bovde dán jagi ođđasit sámi juovlakonsertii vuosttaš adveantasotnabeaivve. Dán jagi konsearta lea áibbas ođđa juovlavásáhus, go Kajsas lea mielde okta sámi musihka stuorra jienain: Frode Fjellheim, gii lea dovddus bálggesčuolli sihke juoigin, musihkarin, šuokŋadahkkin ja professorin.
Ovttas soai lágideaba áibbas earálágan juovladoaluid, main mátta- ja davvisámegiella ja sámi árbevierut addet iežaset šuoŋa. Konseartta vuođđun lea Kajsa Balto juovlaskearru, mii almmustuvai 2025, ja áidnalunddot konsearttas ovdanbuktet sámegillii jorgaluvvon klassihkalaš juovlasálmmaid, árbevirolaš luđiid, sámi juovlalávlagiid ja áibbas ođđa, originála juovlabearraliid.
Boađe don maid guldalit, go Kajsa Balto ja Frode Fjellheim álggaheaba adveantaáiggi Operas - dákkár musihkkavásáhusat eai leat dávjá!
Guldal juovlaskearru «Sámi Juovllat Operas – Samisk jul i Operaen med Kajsa Balto & KORK»:
Dá sáhtát geahččat NRK sáddaga Jul med Kajsa Balto og KORK i Operaen:
Oassálastit
Kajsa Balto (lávlun ja juoigan)
Frode Fjellheim (lávlun, juoigan, tangeantačuojanasat)
Ragnhild Tronsmo (cello)
Aleksander Kostopoulos (rumbbut)
Sámi juovlamárkanat
Dii 12 rájes seamma beaivve geahččit besset vásihit bajimuš dási sámi dujiid Opera feaskáris, go doppe lágiduvvojit jagi árbevirolaš sámi juovlamárkanat. Dan láhkai geahččit besset vásihit olles sámi beaivvi, mii fátmmasta dáiddasuorggi viidát. Márkanat leat rahpasat buohkaide, iige gáibiduvvo konseartabileahtta.
Price
490 kr
Kommer i salg
28. august kl. 11